Trajnim për Barinjtë në Zonën e Kalasë së Dodës – Për një të Ardhme të Qëndrueshme të Kullotava malore!

Në kuadër të projektit "Kullotja e Qëndrueshme për Ruajtjen e Ekosistemeve Jetësore të Kullosore", më 11.09.2025 u mbajt trajnimi i dedikuar për barinjtë në zonën e Kalasë së Dodës.

Ky trajnim synoi fuqizimin e komunitetit lokal me njohuri praktike dhe teknike për menaxhimin e qëndrueshëm të kullotave, ruajtjen e biodiversitetit dhe monitorimin ekologjik të ekosistemeve me vlerë të lartë natyrore. Barinjtë pjesëmarrës patën mundësinë të përfitonin nga ekspertiza e specialistëve në këtë fushë, të ndanin përvojat e tyre dhe të diskutonin zgjidhje për sfidat e përditshme.

Kjo nismë është një hap i rëndësishëm drejt ruajtjes së trashëgimisë natyrore dhe përmirësimit të jetesës në zonat malore.

Aktiviteti u zhvillua në bashkëpunim me autoritetet lokale dhe përfaqësuesit e organizatave partnere, duke theksuar rëndësinë e përfshirjes së komunitetit në menaxhimin e burimeve natyrore.