Të njohim speciet - Abies borisii-regis

Të njohim speciet e zonave të mbrojtura të Parkut Kombëtar Llogara, Rezervës Natyrore të Menaxhuar Karaburun dhe Lagunes së Orikumit 

 

Abies borisii-regis, Bredhi i Maqedonisë (Emrin latinisht e ka marrë për nder të carit Boris III, mbret i Bullgarisë)

Taksonomia e species:

- Mbretëria: Plantae

- Mbi\ndarja:Tracheophytes

- Klasa: Pinopsida

- Rendi: Pinales

- Familja: Pinaceae

- Gjinia: Abies

- Lloji: Abies borisii-regis

Karakteristikat e species:

Është një dru përherë i blertë që mund të arrijë lartësinë deri 60 m dhe me diametër deri në 2 m. Halat janë të gjata 2-3 cm me dy vija gojëzore nga poshtë, me ngjyrë të gjelbër të errët pjesa sipër. Boçet shumë të ngjashme me bredhin e bardhë por shpesh më të gjata, cilindrike deri konike, nga 10 – 21 cm të gjata. Është dru i përmasave shumë të mëdha dhe në Bullgari gjendet dhe ekzemplari më gjatë i të gjitha specieve dhe ekzemplari më i vjetër rreth 170 vjeçar gjendet në Greqi në lartësinë 1350 m mbi nivelin e detit. Shumë studiues e përcaktojnë dhe si një hybrid ndërmjet bredhit të bardhë (_Abies alba Mill_.) dhe bredhit të greqisë (_Abies cephalonica Loud_.).

Shpërndarja:

Areali i tij është Bullgaria, Greqia e Veriut, Shqipëria dhe ish vendet e Jugosllavisë. Shtrihet nga lartësia 600 m – 1800 m mbi nivelin e detit.

Përdorimet: Druri është përdorur për kompensatë dhe ndërtimet e brendshme, si dhe për hortikulturë.

Statusi sipas IUCN: Pak i rrezikuar (LC-Least Concern)

Për të siguruar një mbrojtje më efikase të këtij lloji si dhe nxitjes për citizen science, në rastet e vëzhgimit të saj në natyrë përgjatë ndjekjes së shtigjeve në Parkun Kombëtar të Llogara-së, ju lutem të kontaktoni në faqet e mëposhtme duke e shoqëruar me foton reale, kordinatat e vendit ku u vu re dhe emrin tuaj.

Facebook: INCA Albania

Administrata Rajonale e Zonave te Mbrojtura Vlore

Llogora Visitor Center