Për Eko-Turizëm të Qëndrueshëm në Zonat Kullotëse të Parkut Natyror Korab-Koritnik!

Në kuadër të projektit "Kullotja e Qëndrueshme për Ruajtjen e Ekosistemeve Jetësore të Kullotave", me 19.09.2025 u mbajt trajnimi për ndërtimin e kapaciteteve në fushën e eko-turizmit dhe menaxhimit të vizitorëve në zonat kullotëse të Parkut Natyror Korab-Koritnik.

Pjesëmarrësve iu dhanë njohuri praktike mbi zhvillimin e aktiviteteve turistike miqësore me natyrën, përmirësimin e përvojës së vizitorëve dhe ruajtjen e ekosistemeve të ndjeshme të zonës.

Ky trajnim synonte fuqizimin e komunitetit lokal si promovues të turizmit të qëndrueshëm dhe mbrojtës të vlerave natyrore të parkut në zonat kullotëse duke prezantuar ofertën eko-turistike në kullotat malore.

Aktiviteti u zhvillua në bashkëpunim me autoritetet lokale dhe organizatat partnere, duke theksuar rëndësinë e përfshirjes aktive të komunitetit në zhvillimin e qëndrueshëm të zonave të mbrojtura.