1FUTURE

Në datat 3 – 4 Maj 2023 u zhvillua Takimi Hapës i projektit “1FUTURE”, financuar nga Bashkimi Evropian, në mjediset e Qendrës “Liria” pranë Fakultetit Ekonomik të Universitetit të Tiranës, me qëllimin e prezantimit të objektivave dhe aktiviteteve të planifikuara për zbatimin e këtij projekti nga 18 partnerët e tij, që janë nga vendet evropiane dhe të Ballkanit e që do të shkëmbejnë eksperiencat dhe modelet më të mira për të arritur rezultate e pritshme të këtij projekti.

 

Instituti për Ruajtjen e Natyrës në Shqipëri – INCA është pjesë e projektit “1 FUTURE”, që ka në fokus në ngritjen e kapaciteteve për forcimin e kërkimit dhe mësimdhënies në fushat e lidhura me Zhvillimin e Qëndrueshëm dhe Ndryshimet Klimatike. Projekti "1 FUTURE", ku janë angazhuar 18 partnerë nga vende të ndryshme dhe 3 partnerë të asociuar, ka si synim trajnimin e vazhdueshëm të personelit, kurrikula të reja, por edhe ngritjen e qendrave të mirëfillta kërkimore-shkencore për klimën dhe zhvillimin e qëndrueshëm në vendet e Ballkanit. Ai do të zbatohet për një periudhë 3 vjeçare, ndërsa platforma e gjeneruar nga projekti, “1FUTURE” do të jetë një platformë virtuale bashkëpunimi midis kompanive dhe aktorëve në arsimin e lartë.

 

Ekspertja e INCA-s, Dr. Emirjeta Adhami, në fjalën e mbajtur në aktivitetin e organizuar, me rastin e fillimit të zbatimit të projektit theksoi se shoqatat e shoqërisë civile do të jenë një vlerë e shtuar në partneritetin e këtij projekti me dhënien e eksperiencës së tyre në fushat e mjedisit, ndryshimeve klimatike, ekonomisë qarkulluese, menaxhimit të burimeve natyrore, si dhe në pjesëmarrjen gjithëpërfshirëse për hartimin e politikave të ndryshme në mbrojtje të natyrës dhe jo vetëm, duke i dhënë mundësi botës akademike për të rritur pjesëmarrjen në aktivitete monitoruese, të vlerësimit të gjendjes dhe në bashkëpunime për zgjidhje situatash, ku mendimi shkencor ka vlerë të padiskutueshme.

 

• 
• 
• 
• 
• 
• 
• 
• 
• 
• 
• 
• 
•