Aktivitete

Aktivitetet

Ndiqni aktivitetet e kryera nga INCA

Marrëveshje për Zhvillimin e Turizmit të Qëndrueshëm në Valbonë

Marrëveshje për Zhvillimin e Turizmit të Qëndrueshëm në Valbonë

Lugina e Valbonës, Bajram Curri, 24 Prill 2014 –  Nën peisazhin malor të Parkut Kombëtar “Lugina e Valbonës” u nënshkrua sot Marrëveshja për zhvillimine turizmit midis përfaqsuesve të WWF Mesdhe, Ministrisë së Mjedisit, qeverisjes lokale, shërbimeve të mikpritjes dhe komunitetit të zonës. Ky angazhim nënkupton që Parku i Valbonës do të ndërtojë në vitet në vijim, standarte të turizmit që njohin dhe ruajnë vlerat e natyrës,respektojnë traditat kulturore të vendit, promovojnë prodhimet lokale,  duke i dhënë njëkohesisht asaj njohjen ndërkombëtareqë i takon si destinacion elitar. Marrëveshja e sotme  u arrit pas 6 muaj pune përgatitore të projektit  Parqet Dinarike të Shqipërisë dhe u nënshkrua ne prezencën e më shumë se 40 pjesëmarrësve nga komuniteti i zonës, gazetarë të mediave qendrore e lokale.

“Ky është një moment i rëndësishëm për të ardhmen e trashëgimise natyrore te zonës Valbonë- tha Andrea Stefan, përfaqësuese e WWF - “Marrëveshja e WWF me grupet lokale të interesit  shënon fillimin e proçesit që do të vendosë Valbonën në hartën e parqeve europiane më të vizituar. Certifikimi si park europian me turizëm te qëndrueshëm është mjet i shkëlqyer për promovimin e turizmit dhe zhvillimin e ekonomisë së zonës. Kështu njerëzit dhe natyra punojnë së bashku për të bërë më të mirën për Valbonen“.

 

Ndërsa përfaqësuesit e qeverisjes lokale  ishin entuziastë për të ardhmen e kësaj iniciative.“Ne jemi krenarë t'ju tregojmë turistëve bukuritë e Valbones sonë. Por mbi tëgjitha duam që vizitorët e huaj dhe vendas të njohin mikpritjen e malësorit dhe thesaret e kulturës sonë. Me anë të çertifikimit të Parkut Valbonë ne synojmë të promovojmë produktet ushqimore dhe artizanale të zonës si markat tona lokale“ –u shpreh Rexhë Biberaj, Kryetar i Komunës Margegaj.

Ekspertët e WWF dhe INCA (Instituti për Ruajtjen e Natyrës Shqipëri) do të mbështesin grupet e interesit të zonës Valbonë drejt ngritjes së nje modeli të ri turizmi në parqet kombëtare që mund të ndiqet në të ardhmen nga 14 parqet e tjerate Shqipërisë. Puna e përbashkët në një forum të përhershëm të aktorëve lokalë dhe përgatitja e një strategjie zhvillimi janë dy prej kritereve më të rëndësishme në proçesin e aplikimit për çertifikim. Në përpjekje për t’a bërë rajonin e Parqeve Dinarike një markë turistike tërheqëse për turistët e huaj, WWF po mbështet në të njëjtën mënyrë 16 parqe të rajonit të Ballkanit Perëndimor drejt anëtarësimit në Federatën Europiane të Parqeve.

logo

Rruga Islam Alla, Pallati IVEA, Kat I, Tirana, Albania

Na ndiqni: