Trajnim për Menaxhimin Financiar në Librazhd

Trajnim për Menaxhimin Financiar në Librazhd

🌱Më 15–16 dhjetor 2025, Qendra e Kulturës në Librazhd u shndërrua në një qendër bashkëpunimi dhe mësimi, ku organizatat e shoqërisë civile u bashkuan për të forcuar kapacitetet e tyre financiare. Trajnimi për Menaxhimin Financiar, pjesë e projektit EP-EACH të mbështetur nga Delegacioni i Bashkimit Evropian në Shqipëri, shërbeu si një hap i rëndësishëm drejt fuqizimit të komuniteteve dhe rritjes së ndikimit të tyre në mbrojtjen e mjedisit dhe biodiversitetit.

Gjatë dy ditëve, pjesëmarrësit morën pjesë në diskutime interaktive, analizuan raste konkrete nga organizatat e tyre dhe praktikuan metoda të reja për të siguruar transparencë dhe qëndrueshmëri. Ata fituan aftësi për të hartuar buxhete të strukturuara, për të planifikuar financat në mënyrë strategjike, për të zbatuar kontrolle të brendshme dhe për t’u përgatitur për auditime, gjithçka e lidhur ngushtë me sfidat e përditshme të punës së tyre.

Ky trajnim solli më shumë se thjesht njohuri teknike: ai krijoi besim, nxit bashkëpunim dhe forcoi bindjen se OSHC-të janë një motor i rëndësishëm për ndryshim pozitiv të sjelljes ndaj mjedisit. Rezultati kryesor ishte ndryshimi i perspektivës, menaxhimi financiar u pa jo si një detyrim formal, por si një mjet strategjik për të siguruar që puna për mjedisin dhe klimën të ketë ndikim afatgjatë dhe të qëndrueshëm.

👉 Kur organizatat fuqizohen me njohuri dhe mjete praktike, ato bëhen më të forta, më transparente dhe më të afta për të mbrojtur natyrën dhe për të ndërtuar një të ardhme të qëndrueshme për komunitetet tona.

#EuropeanUnioninAlbania #EdukimiMjedisor #ShoqëriaCivile #INCA #SHKPSH #UNICEF #BashkimiEvropian #EP_EACH #greeneducation