Aksion pastrimi dhe monitorimi në terren – për një Shkumbin më të pastër!

Aksion pastrimi dhe monitorimi në terren – për një Shkumbin më të pastër!

Sot, përgjatë lumit Shkumbin u zhvillua një aksion i kombinuar pastrimi dhe monitorimi sipas metodologjisë OSPAR.

Në këtë aktivitet morën pjesë vullnetarë dhe përfaqësues nga:

• Bashkia Elbasan dhe Bashkia Librazhd

• Administrata Rajonale e Zonave të Mbrojtura në qarkun Elbasan

• Shoqëria civile nga Elbasani dhe Librazhdi

• Federata e Alpinistëve në Elbasan

Ky aktivitet u realizua në kuadër të projektit BeMed+ dhe mikrograntit të dhënë nga organizata BeMed për organizatën lokale AGRIEN, me fokus reduktimin e ndotjes plastike në lumin Shkumbin dhe në Detin Mesdhe.

Aktiviteti u drejtua nga Surfrider Foundation Europe dhe Instituti për Ruajtjen e Natyrës në Shqipëri (INCA), në bashkëpunim me AGRIEN dhe Agjencinë e Sportit dhe Turizmit në Elbasan.

Ky aktivitet shërbeu gjithashtu si një model i mirë i bashkimit dhe angazhimit të aktorëve lokalë, duke krijuar një sinergji të vlefshme të kontributit të tyre për më shumë ndërgjegjësim dhe advokim në mbrojtje të lumit dhe mjedisit – për sot dhe për të ardhmen.